رأيك يهمنا

جزاكى الله خيرا يا تسنيم اكملى ولاتتوقفى وربنا يوفقك فى دراستك ونشوفك ديما من الأوائل

ما شاء الله عليكى يا تسنيم وعلى مواضيعك المتميزة

ربنا يكرمك يا ايه

الفكرة اكثر من رائعة
وفقكم الله دوما لطاعته

جزاك الله خيرا معلمتى الغالية

بسم الله الرحمن الرحيم
اخواتى الاعزاء
عذرا عن عدم متابعة الموضوع فى الفترة الماضية وعذرا ايضا لانى لن استطيع المتابعة فى الفترة القادمة لظروف شخصية
هتوحشوووووووووووووووووووووووووونى خاااااااااااااااااااااااااااااااااااااالص
يا ريت لو حد هيقدر يتابع الموضوع يتابعه لانو مهم جدا بالنسبة لى عشان كده عرضته ومش عايزاه يقف بابتعادى عن المنتدى
متنسونيش من الدعاء
احبكن فى الله

ليه بس كدة يا تسنيم انتِ كده زعلتينا
المنتدى هيبقى مضلم من غيرك وهتوحشينا كتييييييييييييير
ربنا معاكى يا تسنيم ويوفقك ديماَ لما يحب ويرضى
انا كان نفسى اكمل الموضوع بس انا مش هعرف اكملة واعرضه زىك وياريت حد من اخواتنا الطالبات او اساتذتنا الافاضل يكمل الموضوع علشان عجبنى اوى لأهميتة وفائدته

وانتو والله هتوحشونى خالص
ربنا يكرمك يا حبى ع الدعاء الجميل ده وربنا يكرمك ويجمعنا ف الجنه سوا
بس ليه بتستقلى قدراتك انتى ما شاء الله عندك فصاحة جميلة جدا اوعى تحقرى مواهبك او قدراتك عشان ده اخرته فشل ولو هتقدرى تكمليه كمليه

السلام عليكم ورحمة الله وبركاته

حبايبى الحلوييييييييييييييييييييييييييين وحشتونى موووووووووووت
عاملين ايه ؟
الموضوع كمان وحشنى اوى
يلا نكمل
الحلقة السابعة
مش عارفة يكون عنوانها ايه لكن .... مش مهم
المهم اننا فقدنا الامل
بقينا عايشين حالة ياس مجتمعى عام
مفيش حد عنده امل ف التغيير
كلنا زهقنا من المذاكرة
زهقنا من الروتين اليومى
زهقنا من كل حاجة حولينا
لكن ........ محدش حاول يغير من كده
يبقى الامل هو الحل الوحيد بجانب العمل
يبقى املنا فى الله هو الحل الامثل
املنا فى الله ان يغير حال امتنا لكن لا ننسى (ان الله لا يغير ما بقوم حتى يغيروا ما بانفسهم) مش نقول احنا متوكلين على الله ونقعد لانو فيه فرق بين التوكل والتواكل
مهما الدنيا تظلم بينا يكون عندنا شمعه امل تنورها
كاننا بالظبط ف طريق مظلم طويل ف اخره شمعة صغيرة لازم نجرى بسرعة عليها نلحقها قبل ما تتطفى حتى لو تعبنا شويه لازم نقوم ونكمل الطريق
يلا ايدى ف ايدكم امتنا هتغير
يلا نصلح عيوبنا وعيوب غيرنا
يلا يكون عندنا امل


يلا بقى كفايه نقاش ف الموضوع ده وخلينا ندخل ف نقاش تانى الاسبوع اللى جاى باذن الله
اترككم فى رعاية الله

ربنا يكرمك يا قمر
وجزاك مثله
باذن الله نبتدى موضوع جديد قريب

ربنا يوفقك يا تسنيم واحنا منتظرينك

ربنا يخليكى

السلام عليكم

ازيكم يا حلوين انهارده موضوعنا غير عادى لانو مكتوب لاشخاص غير عاديين
انهارده مش هكلمكم فى مشكلة بعيده عننا كطالبات
بالعكس المشكلة قريبة جدا منا
[/size]الحلقة الأولى
هل سالنا نفسنا مرة احنا ليه احيانا مش بنكون عارفين نذاكر ؟
او ليه مش بنعرف نحفظ ؟
كتير مننا هيقول : اصل ذاكرتى ضعيفة
لا والف لا مش ذاكرتك هيا الى ضعيفة دا تذكرك هوا اللى ضعيف وده لسبب
ان الله تعالى قال (ولقد خلقنا الإنسان فى أحسن تقويم ) هل بقى معقول ان يكون ضمن أحسن تقويم ده ذاكر ضعيفة ؟
ثبت علميا ان سعة تخزين الذاكرة تبلغ واحد صحيح امامه 15 كيلومتر من الاصفار
ها لسه بتقولى ان ذاكرتك ضعيفه ؟
طيب طيب طيب وابن حلال (كلمة استاذ محمد توفيق ) الشهيرة هههههههههههههههههه
اومال
ايه ياختى اللى بيخلينى انسى دا انا حتى يا فتحية يا بنتى بذاكر بعيد عن
عتريس وعياله وبجعد جنب باب الدار اشوف اللى رايح واللى جاى (قلبناها قعدة مصاطب بقى ) هههههههههههههههه
ده بقى هنعرفه ف الحلقة اللى جاية

بصوا ما تاخدوش بالكوا اوى من التنسيق عشان انا زهقت من تنسيق البتاع ده

حلو اوى يا تسنيم الموضوع ده
ومش مهم طريقة التنسيق الى بيقرأ مش بيبص على التنسيق احنا بنبص على الكلام واهميته
منتظرينك ف الحلقة التانية

ربنا يخليكى ليا يا قمر
بس ايه رايك ف قعدة المصاطب اللى عملتها

السلام عليكم
ازيكم يا كتاكيت عاملين ايه
انهارده هنتكلم ف اسباب النسيان
الحلقة الثانية
قبل ما اتكلم عن اسباب النسيان لازم اتكلم عن انواع العقل
الانسان مخلوق عنده نوعين من العقل
عقل عاطفى وعقل تحليلى منطقى
العقل العاطفى ده مهمته انه يهتم ببقاء الانسان
يعنى
ساعدتك ممكن تكونى ماشية مع صاحبتك وعمالة تقوليلها انك مرهقة وتعبانة ومش
قادره تمشى وعايزة تنامى شهرين والكلام الفظيع ده وبعد دقيقة واحده تلاقى
كلب مسعور بيهوهو ما شاء اله تلاقى القوة جت وتلاقى نفسك بتجرى بسرعة
100000000 كم ع الثانية وده لان العقل العاطفى اشتغل بسرعة فبعت رسالة
للمخ انك هتكوتى لو مجريتيش فالمخ ارسل لكل الاعضاء انها تستعد وابتديتى
تجرى
كمان العقل العاطفى لو كان فيه تورتر او خوف او قلق او اهانه هوا اللى هيشتغل
اما العقل التحليلى فده هوا اللى بيخليكى تنظمى افكارك فتخلصى اللى وراكى ف وقت اقل ويفكرى بمنطقية مش بعاطفية
المعروف ان العقل التحليلى اقى بس لما تسيبيله فرصة لكن لو العقل العاطفى غلب هيوقف التحليلى ف الموقف اللى غلب فيه
وكمان العقل العاطفى دايما القياده ف ايده
اما بقى اسباب النسيان فهما 13 سبب متقسمين لاربع مجموعات
المجموعة الاولى هيا المجموعة النفيسة ودى فيها خمس اسباب اولها
الخوف
اول كلمة انا خايفة ما تدخل اثناء تخزين المعلومة بيحصل تعارض بين انك عايزة تخزنى المعلومة وانك خايفة
طب ايه هيا اسباب الخوف
ممكن انك تكونى بتخزنى المعلومة وخايفة تنسيها
او انك بتخزنيها وانتى خايفة من الامتحان او من بابا
او خايفة الوقت يفوت وانى لسة مخلصتيش
او غيره
السبب التانى هنعرفه ف الحلقة اللى جاية باذن الله

أنين الأقصى كتب:

بس ايه رايك ف قعدة المصاطب اللى عملتها

حلوة اوى يا تسنيم ........بصراحة انا بتعجبنى قعدة المصاطب ده عن التكلم باللغة العربية الفصحى !!!!!!

وجزاك الله خيرا كثيييييييرأً على الحلقة الجميييييلة ده

نعم نعم يا طنط يا بتاعت اسرة فرسان اللغة العربية
صدقينى اخبارك دى هتروح للاستاذ عما قريب باذن الله
هههههههههههههههههههههههههه
انا بتكلم بالبلدى عشان اوصل لكل التفكيرات مش عشان اوصل لاصول اللغة العربية
متخلينيش اقلبها سوق عكاظ او ما قبل سوق عكاظ من ايام الجاهلية الاولى او حتشبسوت ونفرتيتى
هههههههههههههه دخلنا ع الفراعنة بقى

لالالالالا متفهمنيش غلط يا تسنيم
انا قصدى يعنى .........ان الطريقة ده بتدخل المعلومات ف مخ الواحد اكثر
اصل انا زهقت من التكلم باللغة العربية يوم الخميس وخلاص بقى يا ستى بتوع الجودة مشيو متكبريش الموضوع اوى كده
هههههههههه

مش مكبراه يا جميل بس على فكره بقى انا يوم الخميس كنت راجعة مبسوطة اوى كنت اول مرة احس بجمال اللغة العربية اوى كده
وكمان كنت مبسوطة من مجهودنا اللى بذلناه ف الاذاعة وكنت مبسوطة من تعاون المدرسين معانا
يعنى يا ستى يوم الاربع وقف استاذ حامد واستاذ عبد السلام معانا ف شغل الخيمة وبعدين يوم الخميس صراحة كان تعاون هايل يعنى انا رحت لقيت رحاب لسة واصلة واية ابراهيم طلعت جابتكم بسرعة وجابت العصاية من ورا الباب واستاذ صلاح كان بيفك الملاية اللى ادام وركب ممكانها الستارة وكان بيساعده استاذ ابراهيم ولما جه استاذ عبد السلام ريبط الخيمة ف الطوب وايمان كانت معابيا بنعمل العمم وانتى واية كنتوا بتراجعو ادواركم وجه استاذ محمد يوسف وحط معانا اللمسات الاخيرة واستاذ عبد المنعم كان بيظبط المايك صراحة كان عمل تعاونى جميل اوى
انا كنت مبسوطة خااااااااااااااااااااااااااااااااااااااااااااااالص وكمان اتبسط اكتر لما لقيت الكل عجبته الاذاعة ولما كنت باسال حد عن سلبياتها كاتن بيقول مفيهاش سلبيات رغم انها اكيد كان فيها سلبيات لكن كانت بسيطة فتاهت وسط جمال الاذاعة
رااااااااااااااااااااااااااااااااااااائع دائما ان نعمل فى مجموعة والاروع ان تكون فى خدمة اللغة العربية

وانا معاكى والله يا تسنيم ان يوم الخميس كان يوم جمييييييييييل جداً وكان يوم فيه تعاون واضح عن اى يوم تانى وكان فى انجاز كبير جداً فى الاذاعة
وانا اعتز جداً بلغتنا الجميلة لغة القران اللغة العربية
بس الى كان مزعلنى ان انا كنت حاسه انى بكلم نفسى علشان مكنش فى حد مشجعنى خالص وكل مكلم حد باللغة العربية كان بيتريق عليه حتى كمان الاساتذه اتخنقو منى ولما كنت بطلب من البنات ف الفصل يتكلمو باللغة العربية كانو بيطلعو فيه ومكانوش راديين يقتنعوا ........

عارفه يا ايه الى بيكون مقتنع بفكره بيبذل عشانها اقصى جهد
والشجرة المثمرة هى التى ترمى بالحجارة