رأيك يهمنا

فكرة جميلة

اعجبتني وعلي الاستعداد للمشاركه

فكرة جميلة جدا

السلام عليكم ورحمة الله وبركاته
بصوا يا حلوين
بما انه محدش بدا قررت اتشجع وابتدى الموضوع
لكن القضية اللى هطرحها للنقاش قضية كبيرة ولازم الكل يكون على وعى باهميتها
بس انا لما لقيت القضية كبيرة قررت اطرحها على حلقات
كل ما اقعد ع النت باذن الله هكتب حلقة لكنى لما فكرت ف كده لقيت انى ممكن اعطل ناس كانت عايزة تقول رايها ف مواضيع تانية
وعشان كده انا بقول انو اللى عايز ينزل مشاركاته ف نص النقاش بتاعى معنديش مانع

الحلقة الاولى
بسم الله الرحمن الرحيم
الموضوع كان بدايته سؤال بيدور ف ذهنى واكيد ف ذهن كتير منكم والسؤال هوا ليه مش المسلمين هما اللى ليهم القياده ف العالم ؟
ليه المسلمين بيقتلوا فى فلسطين والعراق وافغانستان والشيشان وبيموتوا من الجوع فى الصومال ومن الحروب الاهلية ف السودان ؟
حتى هنا ف مصر اصبح دمنا رخيص
اصبح اى خلاف بين شخصين بينتهى ف الغالب بجريمة قتل رغم حديث الرسول صلى الله عليه وسلم ( لزوال الدنيا كلها اهون عند الله من قتل نفس مؤمنة )
ليه اصبحنا امة مهانة
يحصل اى مشكلة ف بلادنا تلاقى بسرعة كلينتون بتحذر من تدهور الاوضاع ف مصر
وبعديها بشوية ميركل بتتكلم عن انه لابد للسلطات تسمع لشعوبها
وبعدين فرنسا وبريطانيا
ليه بيتدخلوا ف امورنا ؟
ليه؟
وليه رغم اللى بيحصل ف وول ستريت مفيش مسؤل مسلم طلع اتكلم وقال ان بلاده تحذر من تردى الامن ف الولايات المتحدة او انه يطالبها بوقف العنف ضد الشعب؟
هل لاننا اصبحنا عبيد ليهم ؟
او انا بقينا خايفين ومش عندنا الجرأة نتكلم
قعدت الاسئلة دى تدور ف ذهنى فترة لحد ما توصلت لبعض الاسباب
السبب الاول
اننا بعدنا عن الدين
ايه !!!!!!!!!!!!
ايوة بعدنا عن الدين
مش شايفين الكم الهائل ف بلادنا من البنات غير المحجبات
مش شايفين الكم الهائل من البناطيل والذى منه
مش شايفين ان الميكياج اصبح شئ عادى ف عصرنا
وان البنات اللى مصاحبة شباب كتروا
وان السجائر كترت
والمسلسلات والافلام اللى فيها من الذنوب ما يكفى لادخال امه كاملة لجهنم بقت لا تعد ولا تحصى
وان الشتائم اصبحت على لساننا شئ عادى مع انه المسلم من سلم المسلمون من لسانه ويده
مش الاغانى اللى فيها كلام حرام اصبحت عادى
مش شايفين اننا سبنا السنن وبقيبنا يا دوب على قد الفرائض وده مش ف الصلاه بس ده اصبح ف كل حاجة
طيب وايه الحل ؟
هنفضل كده بعيد عن الدين
لأ والف لأ
هنتغير باذن الله
طب ازاى ؟؟؟؟؟؟؟؟؟
ده اللى هنقوله ف الحلقة الثانية باذن الله
واتمنى اشوف ارائكم ف الموضوع وطريقة الطرح

جزاكى الله خيرا يا تسنيم على هذا الموضوع المهم جدا جدا
وعلى طريقة طرحه الرائعة
وانا اوفقكى على ان الذى يحدث لامتنا هذا بسبب البعد عن الدين وعن مبادىء الاسلام الصحيحة
وايضا ان كل شخص اصبح يفكر فى نفسة ولايهمه احد ولايهمه شعور الاخر
شكرا لك يا تسنيم وننتظرك فى الحلقة الثانية ولا تتأخرى فهذا الموضوع مهم جدا

بسم الله الرحمن الرحيم
اولا شكرا لشجاعتك يا تسنيم
ثانيا الموضوع اكثر من رائع يستحق المناقشه
ثالثا رأي وقد يحتمل الصواب والخطأ .اعتقد ان عدم قياده المسلمين للعالم فهو كما أتفق مع أختي الاء البعد عن الدين اصبح في عصرنا من يعتنق دين الله هو أرهابي في نظر الغرب ومتشدد في نظر الناس أصبح من يقول الحق خارج عن النطاق المألوف لقد افتتن الناس بالفتن التي حدر منها رسول الله فتن الدنيا اصبح كما قال رسول الله **القابض علي دينه كالقابض علي الجمر ***
..ولكن بعد كل هدا فأنا متفائله جدااا وسأتي يوم ويحكم الاسلام العالم فانا اؤمن بقوله **وعد الله الدين ءمنوا وعملوا الصالحات ليستخلفنهم في الارض كما استخلف الدين من قبلهم ***

جزاكى اللة خيرا يا تسنبم

وانا بأكد كلامك ان احنا بعدنا عن الدين كتير وعن الاخلاق الكريمة الذى وصى بها الرسول

بسم الله الرحمن الرحيم
اولا جزاكم الله خيرا ع المرور الرد
ثانيا بالنسبة للكلام اللى قلتيه يا بسمة هو لب الموضوع اللى بنتكلم فيه
الغرب مش شايف نفسه وهوا بيقتل ف غزة والعراق والشيشان وف البوسنة والهرسك قبل كده ومقرأش تاريخنا وعرف ان الرسول كان بيوصى بعد قتل النساء والاطفال والشيوخ وعدم هدم البيوت او قطع الاشجار وشافوا اللى هما بيعملوه دلوقتى
وبالنسبة لاية اللى ذكرتيها (وعد الله الذين ءامنوا منكم وعملوا الصالحات ليستخلفنهم فى الارض كما استخلف الذين من قبلهم وليمكنن لهم دينهم الذى ارتضى لهم وليبدلنهم من بعد خوفهم امنا يعبدوننى لايشركون بى شيئا) خدتى بالك ربنا قال ايه
ربنا قال شرطين ف الناس اللى هيستخلفهم ف الارض الشرط الاول انهم يؤمنوا والشرط التانى انهم يعملوا الصالحات
وده اللى احنا بنتكلم فيه اللى هوا طريقة التغيير اننا نرجع للدين اللى هوا موضوع حلقتنا

جزاكى الله خيرا ياتسنيم على هذا النشاط

وجزاكم مثله يا اية

الحلقة الثالثة
السبب الثانى
اننا فقدنا العزة
يعنى ايه ؟
يعنى نسينا اننا احفاد ابو بكر وعمر
نسينا اننا احفاد صلاح الدين
نسينا عين جالوت وحطين
نسينا عمر اللى قال( لو عثرت بغلة فى العراق لخشيت ان اسال عنها لم لم تمهد لها الطريق يا عمر )
نسينا صلاح الدين اللى قال ( كيف ابتسم والمسجد الاقصى اسير )
نسينا المعتصم اللى بعت لحاكم الروم ( لقد علمت انه قد استغاثت بنا امراة فى بلاد المسلمين فوالله لاتينك بجيش اوله عندك واخره عندى )
نسينا ده كله ونسينا تاريخنا وامجادنا فبقينا حاسين ان الغرب هما صناع الحضارة واحنا مجرد تابع ليهم
لما حسينا اننا تابع سبناهم يدوسوا على كرامتنا واحنا ساكتين وبنقول هنعمل ايه دول قوة عظمى.
قوة عظمى ايه بس ما احنا اللى خليناهم كده
سئل الجبل :مم علوك ؟ قال : من دنو الوادى ؟
اهو ده بالظبط حالنا احنا لما نزلنا سبنالهم فرصة يرتفعوا
طب وايه الحل ؟
الحل من وجهة نظرى اننا نقرأ تاريخنا كويس ولما نقرأه مش نقرأه كانه حدوته وخلاص
لازم نسال نفسنا اين ؟ وكيف ؟ ولماذا ؟
لازم نقرأ الكلام اللى بين السطور ونفهم ليه حصل ده او ليه محصلش
لما نقرا التاريخ هنكون فاهمين عدونا بيفكر ازاى
لما نعرف بيفكر ازاى هنقدر نغلبه
ولما نقرا التاريخ لازم نتخذ القدوة منه زى ما قلنا قبل كده
لازم نكون بنفتخر بماضينا المشرف
وف نفس الوقت لازم منسكتش على اى اهانه حتى لو الحكام سكتوا احنا مش هنسكت هنتخذ كل سبيل ف الرد عليهم كل على قدر استطاعته لكنى لا اظن ان الحكام هيسكتوا بعد ما صعد الاسلامين ف معظم البلدان
بقية الاسباب ف الحلقة القادمة باذن الله

بجد ما شاء الله عليكى يا تسنيم
احنا مستنينك فى الحلقة القادمة بس ما تتأخريش علشان انا متابعة البرنامج ده وعجبنى أوى

جزاكى اللة خيرا يا تسنيم علي هذا الجهد

وجزاكم مثله
رببنا يكرمكم دايما فاتحين نفسى كده
باذن الله هحط برنامج عملى بعد ما اخلص عرض المشكلة ونحاول نطبقه

ربنا يوفقك

جزاك الله خيراً يا تسنيم
طريقتك رائعة في عرض الموضوع وتحليله
أسأل الله تعالي أن يجعل ذلك في ميزان حسناتك

شكرالكى ياتسنيم وربنا يوفقك فى دراستك

الغد المشرق كتب:

جزاك الله خيراً يا تسنيم
طريقتك رائعة في عرض الموضوع وتحليله
أسأل الله تعالي أن يجعل ذلك في ميزان حسناتك

وجزاكم مثله يا مستر
كنت اتمنى ان حضرتك تقول رايك ف الكلام وهل حضرتك معترض ع حاجة او ليك وجهة نظر تانية
كنت عايزة الحوار ينشط شوية

hager ali كتب:

شكرالكى ياتسنيم وربنا يوفقك فى دراستك

العفو يا قمر

باذن الله الموضوع هكمله ف حلقات اسبوعية يوم الخميس او الجمعة