موضوع مهم جدا جدا جدا ..تدريب الطالبات علي الإسعافات الأولية

بسم الله الرحمن الرحيم

بصوا يا جماعه الموضوع بجد مهم جدا

فاسمعونى بس براحه وحاولوا تركزوا معايا جدا

لانى فعلا اكتشفت ان الموضوع لازم يتعمل

وبسرعه كمان

بصوا انا الحمد لله حاليا باخد دورة اسعافات اولية

فلو بعد اذن الاساتذه لو بس يهتموا بالموضوع ده

انا شايفه من وجهة نظرى طبعا المتواضعه جدا

ان الدوره ديه لازم تتدرس ف المدارس

وخاصة عندنا ف المدرسه سواء كانت للطالبات او الاساتذه

لانها بجد مفيده للجميع داخل وخارج المعهد



طبعا اكيد بتسئلوا هيا مفيده ليه ؟

انا اقولكم

اولا : لانى اكتشفت ان كتيييييير من تعاملتنا غلط

والتعاملات الخطا قد تودى بحياة المصاب

ثانيا : لان احنا كتير ف المعهد عندنا بيحصل اغماءات وكتييييييييييير اوى مننا يكاد يكون كلنا بنتعامل غلط خالص

ولولا ستر ربنا ممكن البنت تروح ف شربة مياه

ثالثا: احنا دلوقتى بنبنى البلد فلازم يكون عندنا توعية سليمة والتوعية لازم تكون مننا الاول لان احنا ان شاء الله الجيل الصاعد

رابعا: احنا معهدنا داخل الجوده وطبعا ديه حاجه هتبقى حاجه كويسه جدا

طبعا فوق ف تصويت عشان نعرف الاراء و

وان شاء الله لو تمت الموافقه

ان شاء الله اقدر اجيب المحاضره الللى ممكن تدينا الدوره



شئ اخير

انا شايفه ان لازم المحاضره ديه تبقى اجباريه للبنات وللاساتذه

طبعا مع احترامى للجميع

بس بجد هيا مهمه

يا مشجعانى دايما

بلا ساعدينى بقى

هههههههههههههههههه

ماشى يا ست نورس

هي فعلا مهمه ده حتي واحد عمل حادثه بالعربيه بس كان رابط الحزام ومحصلش حاجه

كل اللي حصل ان حصل اغماء ففي واحد ربنا يسمحه من غير قصد شربه مياه وبعدين المياه فضلت

كتير في جسمه وحصل تسمم ومات الراجل يعني في شربته مياه ...وانا فعلا كنت هاخد الدوره ده بعد رمضان

لان فعلا لازم يكون في وعي صحي

وشكرا يا لولا يا حبيتي علي افكارك ...

اى خدمة يا بسبس

اهم حاجه المعهد يقتنع بالموضوع

هذه الدوره مهمه جداً وفكرة رائعة
والمعهد حاول فيها
ولكن بطريقة غير منظمة ولم يتطرق للإسعافات الأولية

فهناك عناصر لم يتم تأهيل مدربين لها بعد
مثل الإسعافات الأولية

ومواجهة الحرائق والكوارث
وقد تم تكليف واحد من المدرسين بالذهاب للتدريب عليها
كي يستطيع تدريب باقي المجموعة عليها

ولو أسعدتينا بأن تلقي محاضرات الإسعافات الأولية فسنكون سعداء بها :

وعلي قكره إن شاء الله هذا العام مقدم مقترح بعمل حصتين للأنشطة في الأسبوع مقتبسة من خلال اليوم الدراسي ناتجة من إستقطاع 5 دقائق من كل حصة
فلو مستعده أن تلقي المحاضرات في أول أسبوع في الدراسة في خلال تلك الحصص قبل أن تنشغلي في جامعتك فسنكون سعداء بها

ولو احتاج الأمر لإستقطاع نصف يوم دراسي فأعتقد أن المعهد لن يمانع في عمل تلك المحاضرات للأهميتها

وجزاك الله خير الجزاء

جزاكى الله خيرا ... دكتورة الاء

اشكرك اولا لانك اول ما تعلمتيه خارج معهد تخرجك فكرتى ان تفيديه بما تعلمتيه .

الفكرة رائعة .. وهى قيد التنفيذ منذ فترة .. لكن لكثرة الاشغال دائما نؤجلها ...

نحن نشرف بكى فى بداية العام كما دون مستر حامد .. وان شاء الله نكون معاكى كلنا ..

اولا : لكم انا سعيده بهذا التشجيع

ثاينا : انا ان شاء الله ع اتم استعداد ع القاء المحاضره باذن الله

ثالثا : استفسار بسيط هيا هتبقىللطالبات بس ولا ايه ؟

رابعا: جزاكم الله خيرا ع الاهتمام البالغ

ان شاء الله تكون للكل ... الاولى بها اعضاء هيئة التدريس ... مع الطالبات ... احنا نخليها مفتوحة ... وان شاء الله تلاقى قبول من المدرسين .. ونحاول نفض ليهم وقت لللحضور . المهم استعدى انتى تمام ..

ان شاء الله يا مستر

ربنا يسترها واكون ع قد المسئوليه ان شاء الله

يا آلاء
كما تريدي
إن كان وجود السادة الأساتذة المدرسين قد يسبب لك أو للمحاضرة إحراج
فلامانع من اعتذارنا
علي أن يكون الحضور للمدرسات وهن من ينقلن المحاضرة لنا

ونستأذنك أنك تحددي كم من الوقت يكفيكِ لإلقاء المحاضرة من زمن وأيام