صيف فؤاد خميس ... ماذا ترون لمعهدكم في الصيف

تقريباً البنات كارهين الكمبيوتر هذا العام
فبلاش منه
كفاية خنقه من الأستاذ بتاعهم


خليهم في مجال تاني يعملوا نشاط
ويجددوا دمائهم بأي مجال تاني غير الكمبيوتر الغلس بأستاذه الرخم

وسع وسع وسع بيتهيقلى سمعت كلمة نشاط هنا
يا سلااااااااااااااااااااااااااااااام عايزين تعملوا نشاطات من ورايا
ع العموم انا اتفق مع ايمان يا استاذ
ثانيا بصو بقى دى لستة نشاطات بس كل واحد ف بيته واستنوا لحد ما افتكر الباقى
المهم ممكن نتفق على كتاب نقراه ونتناقش فيه سوى وده طبعا مينسيناش الورد بتاع القران
ثانيا وده واجب وطنى لازم نعمل حملة قوية جدااااااااااااااااااااااااااااااا ضد الفلول
بصوا انا مش فايقة دلوفقنتى نكمل بعدين

انت بتتكلمي في السياسة يا تسنيم

أنا كنت سامع بعد ما أنت اعتزلتي البرلمان
هتكوني اعتزلتي السياسة

والله الواحد مفتقد مشاكساتك من زمان
وانا بقول هي بتشاكس فين هذه الأيام

أتاري أصبحت بتتكلم في السياسة علي مستوي واسع
والمشكلة أن الناس بتاعملها علي أنها ((كتاتني )) الصغير
لكنها أشد من الكتاتني
تسكت تسكت لكنها بتطلع استجوابات شديدة
الحمد لله
أنها سابت البرلمان قبل ما تحولني للمحاكمة
هي شكلها كانت مش وراه حد تحاكمه غير الكمبيوتر في المعهد


المهم كل سنة وانت طيبه
وأسأل الله التوفيق للجميع في إنتخابات الإعادة القادمة
وألا نعود إلي نقطة الصفر مرة أخري
وفقكِ الله وجعل الله ذلك في ميزان حسناتك

لأننا فعلاً هتكون كارثنا الحقيقية في نقطة الصفر
ومش هنفوق غير لما نشوف نقطة الصفر

مين قال انى اعتزلت البرلمان
انا سبت رئاسته لمن هو اعظم واقدر سبته للكتاتنى الكبير ايثار وده لاسباب شخصية ملهاش علاقة باى حاجة
وبعدين مين قال انى اعتزلت السياسة انا بس كنت باخد فترة نقاهة عشان ارجع بقوة بس المرة دى استجواباتى لانصار شفيق واللى ضد الاخوان وتطبيق الشريعة رغم انى مش اخوانية
ومشاكساتى انتهت لانى على راى حضرتك سبت المشاكسة عشان اتفرغ للدعاية للدكتور مرسى
وبعدين هوا انا اقدر احول حضرتك لمحاكمة برده

المهم بقى بالنسبة للاجازة وبقيت الكلام الى زهقت وسبته ورحت نمت امبارح
كنت حاطة شويت مشاريع ف فترة الامتحانات وعرضتها على استاذ عبد السلام وايثار وندى منها الى نقدر نعمله ف الاجازة ومنها الى هيكون ف الدراسة
** حملة كن منتجا **
ف الصين عندهم البيبى منتج والطفل منتج والعجوز منتج عشان كده قدروا يغزونا اقتصاديا يعنى عاملين بيجامة للبيبى فيها حاجة كده زى المقشة عشان وهوا بيسحف يكون بينضف الارض والطفل ف الابتدائى ف المدارس بيعلموه انه ف اوقات الفراغ داخل المدرسة يركب قلم جاف وبعدين لعبة وكده
ليه الدولة متعملناش حاجة زى كده
ع الاقل لحد ما الدولة تتحرك ممكن احنا نعمل الاشغال اليدوية البسيطة يعنى واحدة زى حضرتى لقيت برطمان عسل فاضى بس كان عامل شكل البتاع بتاع العلوم المخروطى ده مش فاكرة اسمه ايه بالعربى غلفته بسلوفان بس عامل شكل مثلثات وعملت بلون تانى مروحة صغيرة وبنفس اللون واحدة اصغر وحطيت فيونكة فوقهم وربطهم ف البرطمان بستان واصبحج عندى فازة جميلة ف الاوضة

** حملة بقيمنا نرتقى **
ودى فيها 5 محاور

حملة نظافة اسبوعية استكمالا لمشروع بنات تانية ثانوى

مشروع ازرع شجرة وده ممكن ف البيت وف المدرسة وف كل مكان وكان فكرته اننا نخضر الاماكن الفاضية ف المعهد باشجار مفيدة مش مجرد نجيلة يعنى ممكن نزرع مانجو او خوخ او توت او مشمش اوحتى الخضرة الجرير وغيرها وحاجة كده كله ضحك عليا لما قلتها بس انا عندى اصرار انى اعملها
كنت عايزة ازرع قمح وقطن وده لسب انها اكتر محصولين محتاجاهم مصر وكانو اكتر محصولين مصر بتنتجهم لكن ـ اللى منهم لله ـ بوظو كل حاجة لحد ما بقينا نستوردهم بس انا هعمله ف البيت عندى لحد ما اقنع الباقين

نعمل حملة توعية تاريخية سواء ف المعهد او ف المجتمع المحيط عن تاريخ امة الاسلام من ايام الرسول والصحابة لايام صلاح الدين وقطز لايام الغزالى والشعراوى وكششك والبنا لايام تسنيم القديرة ههههههههههه

حاجة كمان ودى اتفقنا عليها اننا ندخل السنة الى جاية واحا تخلصا من ابرز سالبياتنا

والمشروع الخامس لسة منظمتهوش كويس بس كنت بقفكر انظمه مع بنات اسرة قائدات الازهر اننا نوجد علاج لمشكلة الغش وخصوصا ف الشهادات والى شفته بنفسى ف3 اعدادى ومشعايزاه ف الثانوية وده هيكون على محورين على محور المدرسين الى بيساعدوا على كده وعلى محور البنات اللى بيشجعوا كده

ممكن كمان نجهز اذاعات اول اسبوع دراسى بدل ما كليوم ميكونش فيه اذاعة

وبالنسبة لحصص المكتبة بفكر يكون فيه تنظيم واتفاق ان كل واحدة تفقرا كتاب معين وف اخر الاسبوع يقعد كل فصل مع بعضه وكل واحدة تلخص كتابها بحيث تكون كل بنت فقرات 30 كتاب ف الاسبوع

اه ويكون شعارنا طول الوقت بارادتى تسمو أمتى وبالهمة نرقى للقمة

جزاكِ الله خيراً يا تسنيم افكارك رااااااااااائعة

عمرو خالد بدأ ببذرة صغيرة

حتي حقق أكبر نجاح بصناع الحياة

ما فيش مستحيل

ولو انتوا اثنين بعد لحظات هتكونوا عشرات ثم مئات ثم آلاف ثم ملايين

المهم أنكم تصدقوا حلمكم

وتخلصوا النية لله

يا سلام يا تسنيم
كل الأفكارالحلوة دى كنتى مخبيها علينا
ماشى عموماً أفكارك جميلة جداً وأنا معاكى شوفى هتبدأوا امتى وابقوا قولوا لى

افكار رائعة و ممتازة يا تسنيم ربنا يوفقك و تقدري تنفذي المشاريع دي و احنا كلنا معاكي

و انا عموما ابدي استعدادي و مساعدتي

اولا
رااااااااااااااااااااااااااااااااائع حماسكم الجميل ده
واهم حاجة تعليق استاذ حامد لانى دايما الاقى ناس بتحاول تحسسنى ان هدفى مستحيل ودايما بقول الكلمة دى

بالنسبة للكلام الى اتقال
اولا ايمان لما قالت
بس فى حاجتين :

اول حاجه : موضوع الغش ده
بيكون بسبب المراقبين لانهم هما اللى بيسمحوا للبنات انهم يغشوا لا
واحيانا بيساعدوهم وادام المراقبين من بره هنعمل ايه ؟؟؟
مهو المراقبين دول مدرسين والسبب ف كده نسيان وجود المراقبة بس مش مراقبة البشرلا مراقبة ربنا لان لو البنت اللى بتغسش دى حست انها بتضريغ مجهود غيرها وانها بتبنى حياتها على حرام وعلى حق مش حقها ولو المراقب حس انه خان الامانة اللى ائتمنه عليها المعهد او المنطقة او الوزارة وانه بيقلل تركيز بنات تانيه وبالتالى تقل درجاتها
واحنا دورنا اننا منسكتش على اى غش يحصل ده بالاضافة لكلامنا مع البنات والمدرسين دول
ونشوف بردو افكاركم ايه لحل المشكلة
تانى حاجه : التفكير خطوة حلوة بس الخطوة الاهم
ارادتنا اننا ننفذ , لازم نتفق هنتجمع امتى فى المعهد عشان ننفذ الافكار دى
كلها ونبدأ النشاط واظن اننا نستنى الثانويه لما تخلص مش كده ؟؟
بالنسبة للحاجات الى هتتنفذ ف البيت مفيهاش مشكلة اما الحاجات بتاعت المعهد ف دى هنستنى اول الدراسة لانى اول واحدة فيكم مش هقدر اجى المعهد ف الاجازة بس احنا هنتواصل ع النت وكل واحد يبقى عارف دوره ايه عشان منلاقيش صعوبة ف التنظيم ف الدراسة

وطبعا استعدادكم للمشاركة لازم يكون بافكار تانية ولازم كمان نحط جدول مرتب يعنى ف يوم كذا ف الفسحة الفلانية هنتجمع فين ونعمل ايه
وبالنسبة للاذاعات ممكن اى موضوع نلاقيه هينفع للاذاعة ننزله ونشوف مين فينا هتقدر تقوله واول يوم ف الدراسة نعمل برفا على اذاعة تانى يوم وهكذا
واهم حاجة زى ما استاذ حامد قال اننا نخلص النية لله ولازم يكون عندنا هدف نوصله ونحط هدف غيره لان الحياة كلها اهداف
واخيرا مرة تانية احب اشكركم رفعتوا معنوياتى