كفاية تكنولوجيا

زمان كان الشخص اللى بيمتلك جهاز راديو يعتبر من الاثرياء ومن اكثر الناس تقدما وتطورا ،، طبعا كان قبل الراديو الفونوجراف باين ، اللى هو كان اسطوانة (( سى دى )) كبيرة أوى ،

المهم الزمن اتغير وظهر التليفزيون اللى كان بياخد ربع ساعة عقبال ما الشاشة تنور.ساعتها كان الموضوع لسه خارج قدرة بعض الناس العقلية انها تتخيله او تفهمه ، لكن بمرور الوقت وبالثورة التكنولوجية ، الاجهزة مبقتش تاخد وقت زى زمان عشان تظهر ، يعنى مثلا ممكن نقول انه ما بين التليفزيون والراديو فات وقت كتير اوى ييجى ١٠ ولا ٢٠ سنة ، لكن منذ بداية الالفية الجديدة أصبح هناك نهم او شره تجاه التكنولوجيا.

النهم ده اللى بدوره كان سبب فى ظهور الكثير من التكنولوجيات واللى موقفتش عند حد معين وكان التطور فيها بلا حدود ، من موبايل عادى لحد ما اكتشفنا خاصية الانفرا مرورا بالبلوتوث لحد النهارده ماوصلنا لتكنولوجيا الجى بى اس ، ومش عارفة هما رايحين فين اصلا.

الى جانب انها بقت سبب فى تباعد الناس مش قربها ، يعنى اللى يقولك لولا التكنولوجيا مكنتش هعرف اكلم اخويا الفي الغربة ، انا عندى رد بسيط ، انت دلوقتى بقيت بتكلم اخوك اللى فى الامارات واخوك التانى اللى فى الشارع اللى جمبك ، الناس بقت بتستسهل الموضوع وبدل ما اروح ازور اخويا واشوفه واقعد معاه ، لا بقيت اسيبله كومنت على الفيسبوك او على جوجل بلس او تويتر.

بس اليقدر انه يستغل التكنولوجيا كويس هو الكسبان بس الافراط فيها سبب مشاكل كتير منها طبيعية و منها
اجتماعية و منها جسدية غير حاجات تانية كتير
اللهم يرزقنا النفع من الاشياء و اجتناب شرورها

شكرا لك على هذه المعلومات المفيدة

موضوع جميل يا هند
فعلاً زى ما لتكنولوجيا مميزات ليها عيوب

جزاك الله خيرا يا هند ع المواضيع الجميلة دى

عندك حق صحيح كل ده

واحسن حاجه ان نستغل الموضوع صح

شكرا لكم جميعا علي الاهتمام و الرد

» تكنولوجيا التعليم ومصادر التعلم فيها