هـــــــيـــا نـــتـــــعــلم

فكرة جميلة جداً حداً يا استاذ
وجزاكم الله خيراً على هذه النقاشات الرائعة الىّ حضرتك بتكتبها

فكرة حلوة يا مستر
بس مش تستنى حضرتك شوية عقبال ما نرتاح من موضوع المذاكرة ده
على الأقل نحس إننا فى أجازة
وبعدين نبتدى نذاكر تانى

هو كده كده
كل واحد كان مستني الأجازة
واضع لنفسه خطة في أنه هيراجع حاجات كثيرة
كل واحد عارف نفسه ضعيف في حاجات بيحاول يقويها

ثانياً بنقول معلومات بسيطة سريعة
كلمات انجليزي نحفظها ونسأل فيها
درس صفحة او صفحتين

بسي الأهم نضع للفكرة إطار كامل
لأني حتي الآن مش فاهم الفكرة هتمشي ازاي
اللي في بالي وفي تفكيري أنا حطيته


ولما حتي جيت أنفذ درس
كنت حيران لأني في مستويات مختلفة
كنت بفكر في كلمات إنجليزي


شوية فكرت في أسئلة في الكمبيوتر

المهم خلينا نشوف أعضائنا هيضعوا إطار للفكرة
ويقوم طريقة تطبيقها كاملة


وطبعاً الأعضاء اللي هتشارك معانا في الردود بتقدم هدايا
للأعضاء اللي جاوبت صح
ما عدا صاحب الفكرة

يسأل واللي جاوب عليه مش يديله هدية
إنما هو لو جاوب ياخد هدية

(((معلش إحنا دولة ديمقراطية)))

ماشى يا مستر هفكر شوية فى الموضوع ده وأعرض الفكرة على حضرتك
والأعضاء
ومفيش أى مشكلة إننا نشجع بعض بالهدايا
وطبعاً حضرتك معانا وحضرتك هتدى وتأخد هدايا إن شاء الله
هى دى الدولة الديموقراطية الصحيحة

انا بقترح تكون دروس تارخ ف سلسلة منظمة درس كل يوم
مش عارفة انا ايه دخلنى علمى وانا بحب التاريخ
بس المهم يكون فيه تسلسل ف ترتيب الاحداث وانا مستعدة اتابعه ويلا بما انى ف كامل قوايا العقلية دلوقتى مكن اتكفل بالهدية
والتاريخ مش هتفرق فيه مستويات غير ف طريقة العرض هتحتاج تكون مبسطة وعلى شكل حدوته
يلا ننطلق
من بكره ان شاء الله
بلاش الكسل الى احنا فيه ده

جزاكم الله خير الجزاء علي مشاركاتكم واقتراحاتكم
كلامك يا نورس مش عاجبني : هتدي هدايا
لا : أنا أخد هدايا فقط
إنما أهدي فكره مش حلوة

كلام جميل يا أنين :
اعترفت بكامل قواها أنها هتتحمل الهدية

--------------
نتكلم جـــد
فكرتك يا أنين جميلة ومستنينك تبدئي من بكره بسي يكون الدرس لا يتعدي صفحتين

وبعدين كل الأعضاء ممكن يعملوا الدروس اللي هما عايزينها في نفس الوقت

مش لازم نركز في حاجه واحده

وما المانع من درسين أو ثلاثة نمتحن فيهم
ويكونوا بهم معلومات بسيطة

وهنحاول نطور فكرنا كل فترة

--------
في نهاية كل أسبوع هنعمل تقييم للفكرة
ندرس الإيجابيات ونحافظ عليه
ندرس السلبيات وأوجه القصور ونحاول نعالجها

-------------

أكرر جزاكم الله خيراً جميعاً علي حسن تفاعلكم

يلا يا تسنيم احنا مستنينك بكرة
هى الدروس هتبقى فى التاريخ بس ولا ايه؟؟؟؟؟

الفكرة دي جميلة جدا . و ياريت تكون في اقرب فرصة

بس ياريت تكون كل مرحلة مادة مختلفة

بصو ممكن يكون كل يوم مادة معينة يعنى يوم تاريخ يوم معلومات عامة يوم فيزياء او علوم عامة يو نحو ويوم بلاغة كده يعنى وانا مستعدة اتكفل بالتاريخ اواللغة العربية
المفروض كل واحد فينا يكون معاه يوم بمادته عشان نضمن المتابعة والاستمرار
وباذن الله من بكرة نبتدى تاريخ تحبوا نبتدى من اول عهد الرسول ولا من قبل كده ولا من بعد كده ؟

يا جماعة احنا عايزين نضع جدول الاول بحيث نقسم ايام الاسبوع علينا وكل يوم عضو يضع درس جديد علشان منتلخبطش

وانا من رأى يا تسنيم انا احنا نبدأ من اول عهد الرسول ولكن شوفى اراء باقى الاعضاء

عذرا
انا مصدووووووووم
لا استطيع ان ابدا اليوم
باذن الله غدا نبدا

السلام عليكم
الحلقة الاولى من دروس التاريخ

لن ابدا من لحظة ميلاد الرسول
ولكن ... ابدا من لحظة وفاته
نعم بالطبع فحياة الرسول شبه معروفة للجميع

لحظة وفاة الرسول

يااااااااااااااااااه لحظة صعبة اوى ع الامة كلها
لحظتها والامة لسه ما استوعبتش الصدمة اجتمع الانصار بسرعة فى سقيفة بنى ساعدة عشان يختاروا خليفة لرسول الله
مش لانهم طالبين سلطة
لا عشان هما عارفين ان دولة الاسلام لازم يكون ليها حاكم حتى لو احنا ف احلك موقف لان حبيبنا رسول الله قال ( اذا كنتم ثلاثة فامروا أحدكم ) ودول مش 3 دى امة كاملة ولحظتها
عرف سيدنا ابو بكر بالموضوع
بسرعة خد سيدنا عمر وسيدنا ابو عبيدة وراحولهم
سيدنا عمر كان عايز يقول كلمة لانو اعدها وعجبته وخاف سيدنا ابو بكر ميقولش زيها لكن اللى حصل ان سيدنا ابو بكر قام وقال خطبة جميلة اوى وبين فيها فضل الانصار وانهم اللى ءاووا ونصروا و بعدين قاللهم يا معشر الانصار منا الامراء ومنكم الوزراء ولا تقضى الامور بدونكم
وبعدين قام سيدنا بشير بن المنذر والد سيدنا النعمان بن بشير وقال كلام رائع برده
انتهزه سيدنا ابو بكر وراح رفع ايد سيدنا عمر وقال هذا فاروق هذه الامة وبعدين رفع ايد سيدنا ابو عبيدة وقال وهذا امين هذه الامة قد ارتضيت لكم احدهما
فصرخ سيدنا عمر وصرخ سيدنا ابو عبيدة
وقال سيدنا عمر : والله لان يضرب راسى فى غير حد احب الى من ان اتولى امر قوم فيهم ابو بكر
وقال سيدنا ابو عبيدة : لا نحكم وانت حى يا ابا بكر
وبايعا ابى بكر و با يعه الانصار
وتانى يوم راح ابو بكر واتجمع الصحابه ف المسجد النبوى
حصل ايه ف المسجد النبوى ده موضوع الحلقة اللى جاية
والسؤال
ماذا تعرف عن ابو عبيدة ؟ عايزين اكبر عدد من المعلومات عنه

اولاَ : يا تسنيم مش المفروض ان السؤال يوضع بعد نهاية اليوم يعنى انتى وضعتيه فى نهاية الدرس وانا قرأته من غير قصدى.....

ثانياَ : هى المعلومات الى انتى عايزاها ده هتبقى من الدرس ؟؟؟؟ اصل مش مكتوب معلومات كتير عنه!!!!!

كلام آية صح

وفكرة الموضوع أننا نذاكر ما يقدم لنا
ونسأل فيه في اليوم التالي له

وثانياً ضعي كل درس في موضوع جديد
في قسم هيا نتعلم

والأسئلة أيضاً في موضوع جديد
وعلي هيئة الإشراف فور انتهاء 24 ساعة إخفاء الدرس حتي يتم الإجابة عن الأسئلة

بالنسبة لوضع الدرس ف موضوع جديدمفيهوش مشكلة
لكن انا لما حطيت السؤال تحت الدرس كان هدفى مش اختبار هدفى ان كل واحد فينا يبحث عن معلومات اكتر وميكتفيش بللى كتبته والكل يستفيد وده كسبيل لاكمال الدرس لان مش كل حاجة ف الدرس اما الامتحان ع الدرس ف هيكون ف اليوم التالى اما حكاية اننا نذاكر اللى بيتكتب وبس فانا بعتبر ده مش تعليم لان مفيهوش مناقشة ولا بحث دا بيعتمد بس ع التلقين ودا مرفووووووووووووووووووووووووووووووووووووض طبعا

كده وصلت وجهة نظرك يا تسنيم
بس المعلومات الى انتِ عايزاها هنكتبها مع الاجابة ؟؟؟؟؟

لا هتتحط لوحدها لانى لسه مكتبتش الامتحان بس استنوا لما انقل الدرس ده ف موضوع لوحده